My reis met God en mense

My juffrou het my geleer om 'n briefie te begin met geagte, beste of liewe. Vergewe my maar ek sien nie kans om te sê "geagte covid" of "beste Covid" of "liewe Covid" nie. Daarom begin ek sommer net met "Covid". Ek weet nie waar jy vandaan kom of waar jou wortels lê nie; ook nie wie jou gemaak het nie. Ek weet wel dat jy soos alle ander diewe gekom het om te steel en te vernietig. Jy wag ons in in die supermark, in die kerk, by die werk, in die klaskamer en enige plek. Jy vervreem mense van mekaar en beroof ons van menswees en medemenslikheid. Jy is genadeloos met kinders en bejaardes en gesinne; jy spaar niemand nie. Jy dring ons lewens binne en wurg elke stukkie suurstof uit eens gesonde longe. Jy vernietig niere en lewer en hart en longe. Jy beroof mense van die kosbaarste besitting en gawe, naamlik lewe. En elke keer kom jy terug in 'n nuwe jassie maar jy bly genadeloos dieselfde. Jy is 'n wrede monster wat in elkeen van ons se...

Na aanleiding van die erediens wat ek gehou het op 22 Aug 2021... Here, dis my derde dag van vorentoe leef. Ek het geweet dit gaan nie maklik wees nie, en dit is ook nie. Dis moeilik om los te maak en te laat gaan. Losmaak is altyd moeilik. U ken my, U het my gemaak - U weet hoeveel tyd ek spandeer het om te verstaan en te verklaar. Dis vir my moeilik om dit te laat gaan. Maar dis vir my nog moeiliker om mense te laat gaan. Ek word baie lief vir mense en sukkel om los te maak, selfs wanneer hulle my seergemaak het. Ek moet erken dat dit 'n moeilike pad is maar dat ek met U krag reeds drie dagreise ver in die woestyn in gevorder het. Daar lê baie dagreise voor. Ek sal elke dag die manna vir daardie dag optel en dankbaar eet. Hoe sê die lied: "There's a promise behind the desert..." Anderkant die woestyn wag die beloofde land. Genadiglik in 'n mens nie alleen op hierdie pad nie: jy loop saam met familie en vriende wat ook oppad is - elkeen met sy eie losmaak. En in ...

Aan 'n goeie pel.  Hierdie artkel laat my so baie aan jou dink - jy het oor jare my so geboelie en so minderwaardig laat voel - so dikwels net 'n 👍 of 'n "reg so" gekry; soms ure of dae wag vir twee blou merkies om te sê dat jy my boodskap gelees het. En dan was ek weer 'n keer kinderlik opgewonde oor die twee blou merkies en die 👍 en die "reg so". Vandag verstaan ek beter - dat dit vir jou 'n vorm van mag was wat jou "in beheer" laat voel het. My magteloosheid was vir jou mag. As ek hierdie artikel lees verstaan ek jou beter en, snaaks genoeg, voel ek diep in my hart baie jammer vir jou... Liza Mullen skryf die volgende: Why does a narcissist not answer you for several hours? Assuming the narcissist is indeed a narcissist and is not answering or responding on purpose… It is usually to keep you guessing and feeling uncertain, which causes you to ruminate about him/her (him in my case) and starts to create that little addiction in you ...