Diep spore...

Met jou gekamoefleerfe uniform

en swaar bruin stewels

bars jy in my lewe in

en trap alles stukkend

wat ek oor soveel jare

bymekaargemaak het

jy loop deur kerkkantore

en vriendekringe

en oases

en los groot diep spore

agter klaviere

en kitare

en stemme

en los sjokolades

uit jou boonste laai

om nog iemand op

jou das af te merk

jy skryf ongesiens

met apps's en fone

en laat elkeen glo

dis net sy

en jy slaap rustig

want jou siek menswees

voel trots en tevrede...

My vriend, jy het diep spore

in my lewe getrap...