Skoolliefde

 Dit voel soos nou die dag

maar dis 37 jaar terug

die Aero agter die buitekamer

die dertig Rand ring van Best

koffie by House of Coffees

"pie & gravy" by die varsity

souttert voor die Uniegebou

die tyd het so vinnig geloop

dit was lekker om jou raak te loop

in Kaapstad en Ramsgate en Rustenburg

jy lyk goed soos altyd

binne en buite mooi

daar is niemand soos jy

niemand

so lank jou misgekyk

so dikwels

jy bly in dieselfde straat as ek

so naby

en so ver

myne

jy was daardie tyd

en sal altyd wees...